S’Isportellu de limba est un’istrumentu de importu mannu chi at s’obietivu de dare contu e de amparare sa limba sarda in unu momentu istòricu in ue custa est in dificultade manna. Su comune de Uddusò, paris a sos àteros chimbe comunes de su Monte Acuto, giai dae unu pagu de annos s’est movende meda pro fàghere a manera chi sa limba de sos mannos nostros siat a disponimentu de sas generatziones noas e de totus cussos chi ant su disizu e su piaghere de la faeddare, de la lèghere, de la iscrìere e de la contivizare in cale si siat manera. Duncas est pròpiu gràtzias a custas atividades chi si podet sighire in custu caminu chi est de importu mannu pro s’amparu de sa limba, de sa cultura e de s’identidade de sa comunidade. Duncas custa atividade, chi est finantziada dae sa Regione Autònoma de sa Sardigna gràtzias a sa lege 482/1999 “Normas in matèria de amparu de sas limbas istòricas de minoria” e de sa L.R. 22/2018 “Disciplina de sa polìtica linguìstica regionale, art.10, comma 5; L.R. 6/2012”, at s’obietivu de fàghere crèschere s’impreu de sa limba sarda in sos Ufìtzios de s’Amministratzione Pùblica e de èssere unu puntu de riferimentu linguìsticu pro aziendas, assòtzios, tzitadinos e prus nche àteru pro sas istitutziones iscolàsticas e pro sos giòvanos. Sos operadores incarrigados dae s'Istitutu Chircas sunt a dispositzione pro tradutziones, consulèntzias, preguntas e assistèntzia pro cale si siat traballu, progetu, chistione o curiosidade subra a sa limba e a sa cultura sarda.S’Isportellu de limba est un’istrumentu de importu mannu chi at s’obietivu de dare contu e de amparare sa limba sarda in unu momentu istòricu in ue custa est in dificultade manna. Su comune de Uddusò, paris a sos àteros chimbe comunes de su Monte Acuto, giai dae unu pagu de annos s’est movende meda pro fàghere a manera chi sa limba de sos mannos nostros siat a disponimentu de sas generatziones noas e de totus cussos chi ant su disizu e su piaghere de la faeddare, de la lèghere, de la iscrìere e de la contivizare in cale si siat manera. Duncas est pròpiu gràtzias a custas atividades chi si podet sighire in custu caminu chi est de importu mannu pro s’amparu de sa limba, de sa cultura e de s’identidade de sa comunidade. Duncas custa atividade, chi est finantziada dae sa Regione Autònoma de sa Sardigna gràtzias a sa lege 482/1999 “Normas in matèria de amparu de sas limbas istòricas de minoria” e de sa L.R. 22/2018 “Disciplina de sa polìtica linguìstica regionale, art.10, comma 5; L.R. 6/2012”, at s’obietivu de fàghere crèschere s’impreu de sa limba sarda in sos Ufìtzios de s’Amministratzione Pùblica e de èssere unu puntu de riferimentu linguìsticu pro aziendas, assòtzios, tzitadinos e prus nche àteru pro sas istitutziones iscolàsticas e pro sos giòvanos. Sos operadores incarrigados dae s'Istitutu Chircas sunt a dispositzione pro tradutziones, consulèntzias, preguntas e assistèntzia pro cale si siat traballu, progetu, chistione o curiosidade subra a sa limba e a sa cultura sarda.
